د حضرت زینب (س) د حرم د تړل کېدو او د حسینی عزا دارئ د مراسمو د مخنیوي خبر دروغ شو
ایکنانیوز د شفق نیوز له قوله راپور راکړی چې د سورئې د اوقافو او دیني چارو وزارت پرون، د ۱۴۴۶ هـ.ق. کال د ذوالحجې ۷ ، په ځینو رسنیو او ټولنیزو چینلونو کې د دمشق په زینبیه کې د حضرت زینب (س) د حرم د تړل کېدو او د محرم په میاشت کې د حسینی عزادارئ د مراسمو د مخنیوي په اړه خپاره شوي خبرونه تکذیب کړل.
د دغه وزارت د رسنیو دفتر اعلان وکړ چې حرم د زائرینو پر مخ خلاص دی او د عاشورا یا د محرم د نورو ورځو په اوږدو کې د دیني شعائرو په ترسره کولو هیڅ بندیز نشته.
د سورئې د اوقافو او دیني چارو وزارت د ټولو زائرینو لپاره د مر قدونو د زیارت اسانتیا او د زائرینو د امنیت ساتلو لپاره د زیارت تنظیم او امنیتي تدابیرو ته پر خپلې ژمنتیا ټینګار وکړ .
تر دې مخکې، د زینبیه د حرم د تړل کېدو او د حسینی شعائرو د مخنیوي په اړه خبرونه خپاره شوي وو.
په ټولنیزو رسنیو کې خپاره شوي انځورونه هم د محرم د لومړۍ شپې مراسمو د ترسره کېدو ښودنه کوي، چې په دمشق کې د حضرت زینب (س) په حرم کې د لسګونو کسانو په شتون سره ترسره شوي دي.
https://iqna.ir/fa/news/4291486
